<?xml version="1.0" encoding="UTF-8"?><song><hymn_number>17</hymn_number>
<lyrics>[V1]
 Бурган-биле харылзаа мээ
 Эң-не херек, чугула.
 Амыдырал чуртталгага
 Сорук-күштү чорудар.
 Караңгы дүн уйгу чок,
 Дискетенип олургаш,
 Сеткилимни Сеңээ сөгледим:
 &quot;Дүвүрелге алзыпкаш,
 Хинчектенип чору мен.
 Мени өршээп, дузалажып көр&quot;.

[V2]
 Соңга өттүр күштүг хаттың
 Каржы-дошкун тыныжы.
 Сеткилимни шак бо кежээ
 Саймаарадып саргытты.
 Чуртталгадан чөгенгеш,
 Идегелим оскунгаш,
 Ыглап тура Сенден диледим:
 &quot;Иисус, мээң Бурганым,
 Көрүп-билип турар Сен,
 Тайып ушкан Меңээ дузалаш&quot;

[V3]
 Утказы чок, ажыы-даа чок,
 Амыдырал херээ чок.
 Кадыг-берге хилинчектер
 Дужуп келзе хүлээр мен.
 Чүгле чаңгыс дилээмни
 Бурганым, Сээ сөглээйн:
 &quot;Мени кагбайн, карактап көрем.
 Күчү-күштүг холуңну
 Эктим орта салгаштың,
 Эргеледип, мени оожуктур&quot;.

[V4]
 Бурган-биле харылзаа мээ
 Чурттаарынга чугула.
 Ынчангаштың өөрүшкүмнү
 Бурганымга сөглээр мен:
 &quot;Ынакшылың, Бурганым,
 Ылап күштүг, билир мен.
 Мени дээштиң өлгеш дирилдиң.
 Караңгыдан хостадың,
 Авыяастан адырдың.
 Ам бо хүнде амыралдыг мен&quot;.</lyrics>
<title>БУРГАН-БИЛЕ ХАРЫЛЗАА Маы17</title>
</song>